اأحلي صدفة
اتقابلنا واتعاهدنا
نبني مع بعض بكرة
وافترقنا واتقابلنا
يا حبيبتي تاني صدفة
وعيوننا تحكي قصة فراقنا
يسبق كلامها دمعونا
كل كلمة كنّا بنقولها
بتحكي في هوانا قصة
والفراق اتحكم علينا
مش بأيدنا كان فراقنا
و هوانا كان عايش معانا
حتي في أيام بعادنا
ونسينا واتناسينا و لما
افتكرنا لقينا روحنا
لسة بنحب بعض لسة
كان نفسي اروحلك و ابوحلك
بس ماكنتش لاقي فرصة
لُقنا كان بعيد بعد السما
زي لقا الشمس مع القمر
لكن ماحدش يعرف ايه
كان مخبي لينا القدر
بعد ما ضيعنا وضاعت
في الدنيا قلوبنا
ادينا اهو بنقابل بعض
يا حبيبتي تاني صدفة
بس عارفة يا حياتي والله
دي احلي صدفة
عادل امام
ليست هناك تعليقات:
إرسال تعليق