" انا وانت..بنتلاقى " ........ للشاعر \ اسلام الجندى

" انا وانت..بنتلاقى "

...........................................................

انا وانت بقالنا سنين ...

بنتلاقا .زي اي اثنين..في الزحمة ..وسط الملايين..

وكانت عيني ..تجي في عينك..

فتسيب في القلب من جوه ..لمسة اعجاب..

وكانت صورتك ..بتزورني كتير..كتير..

في نهاري..و في احلى منام..

ولا كنت احلم ..ولا اصدق ..انا واتت..

ان احنا في يوم هنكون احباب...

وجيه اليوم..وبالصدفة..

حصل بنا كلام..فزاد الاعجاب...

وفي مرة..ومرة..اتعودنا..وكلام يجيب في كلام..

وتجي مرة تكلمني..تلقاني سبقك باحلى كلام..

وفي مدة قصيرة..اصبحنا روح واحدة...

والدم اللي بيجري في شريانك..

هو عندي نفس الشريان..

وزي الناس ما بيقولوا..دخلنا دنيا الاحباب..

................................................................

" اسلام جندي "

................................................................