عشق المهيار \\ بقلم مهيار الليل

عشق المهيار،،،
يقول : الفتى مهيار : !!!!

ايا منبع الاحساس على القلب دله
سهم حبك بوتين القلب غزيته،
،
الله يجعل ايامك بغاية الفله
ياكحل يبرد بعينك يوم حطيته،
،
انستنا يالغلا بالرود والطله
البيت واهله وفا يوم انت زليته،
،
وشلون تطلب غلا وانت الغلا كله
هو فيه غيرك سكن ذالقلب واغليته،
،
لا تشغل البال لوجاملت خلق الله
ماكل شخصن يمر القلب حبيته،
،
غلاك قد حل بالخفاق واحتله
كيف اقتحمت الفؤاد وكيف حليته،
،
اخلفتني عن علوم الناس والمله
اشوف زولك وانا ياكم تخيلته،
،
ياكيف تسمح لنفسك كيف تحتله
وش صار قلي وش اللي انت سويته،
،
اما تعال. ابر جرحي وابري العله
والا اترك القلب يبقى في حمى بيته،
،
انت ياسمين الشام وعطره وفله
يا غصونك على مدار الدار لفيته،
،
انا المهيار لك عمري ياالغلا كله
وان تطلب القلب هدية لك لفيته،
،
مهيارالليل ،،،