بيعيرونى
بيعيّروني الناس بشرب الخمور.
بينسو ضميري الواقف عليي خفير
بشرَب خمر اٰحساس وبخمري فخور
وبكتب جنى الاٰفكار عا وراق الضمير
وبعصرنا الغرقان في بحر الفجور
حاكم تسلطن عامل علينا اٰمير
بالواسطه العصفور كاسر عا النْسور
والسبع صار بغابتو واقع. أسير
وبحقلة الاٰخلاص يبْسو ها الزهور
وغاب عَنَّا العطر بغياب العبير
والبعض مِنَّا ما بقا عندن شعور
والغنْج ضارب بالكبير وبالزغير
ما عاد يرضيهن قلاْع ولا قصْور
والنَقّ ما زمّط غني وزمّط فقير
ما في قناعة الناس عّم تلحق قشْور
ونسيوا جواهر قيّمة ونسيوا الحرير
لكن اٰنا إنسان بطبعي صبور
زْرعت الشعِر بالروض وسقيتو وفا
ورح ضلّ حب الناس لليوم الاٰخير
.....................................
بقلم \\ عادل بدّور
ليست هناك تعليقات:
إرسال تعليق