=====يالليل حاسب=== بقلم الشاعر \ رمضان على

=====يالليل حاسب=====

يالليل حاسب على قلبى 

بقاله سنين معاك يسهر 

لا يوم باعك ولا خانك 

ولا جالك لحظة متأخر 

سكونك كان بيرتاح له 

وبكل الود يشرح له 

من غير مايدارى اوجاعه 

وصريح معاك كمان واكتر 

وليه يالليل ما بتقدر 

زادت فى قلبى احزانه 

وببكى بدمع علشانه 

وانت يالليل ما بتفكر 

خلاص يالليل جت الفرقة 

وهيبقى الدمع بالحرقة 

لان القلب زاد وجعه 

ومش ممكن هيصفالك 

ياما فى عمره حكى لك 

وانت يالليل ما بتبوح له 

خلاص يالليل لا تواسى 

لا هو عمره هيروح لك 

ولا انت مرة هتروح له 

ويالليل حاسب على قلبى 

ده بقاله سنين معاك يسهر

لا يوم باعك ولا خانك 

ولا جالك لحظة متأخر 

يالليل حاسب====

=====رمضان على=====