شعر / محمد رضوان
( كدب الإخوان )
اتهموني بانحرافي .....
اتهموني بانحرافي عن المسار
وغلطت في بلدي وجبتلها العار
وصنعتي حفر المدافن ليل ونهار
هو انا مش كنت معاكم من الثوار ؟
فرحنا سوا وقت الطاغي ما غار
كلامنا واحد ..... شعارنا واحد
وقفتنا جد ومش هزار
كان الميدان ساحه مطار
اللي خارج واللي داخل
واللي جايب للشباب فطار
هتفتا ثوار أحرار هنكمل المشوار
مين اللي غير فينا المسار ؟
أيام سهرنا وكنا في انتظار
واللي فجر واللي هدد بالانتحار
مسكتوا قوام الدفه ......
اتخنقتوا من الزنقه ......
قولتوا البنات تروح جبتلنا العار
احنا هنحكم البلد بمعيار
اللي مسمعش كلامنا
احسله يبلغ فرار
اتهموني اني مش معاهم
ليبرالي ..... طالب رضاهم
يساري ...... حاقد عليهم
انا مصري يا شوية. ... اغنام
مش هقول علي كلامكم تمام
اتحالفتوا مع الشيطان أيام
قتل ودبح لشبابنا وتنكيس أعلام
كاره في الظاهر ولاد صهيون
والباطن معاهم وروح ولادنا تهون
كل اللي همك كرسي
وصوتي دايما مدفون
انا عمري ابدا ما اخون
لو آخر صوت في الكون
انا مصري مسلم . وبترابها معجون
ملعون ... ملعون كل خاين ملعون
ليست هناك تعليقات:
إرسال تعليق