ورقى وحبر قلمى........
تعبت من السكوت
وتعبت من الكلام
لا انا عارف حتى اموت
ولا حاسس بالالام
الليل بيفوت ببطئ
والساعه لسه واقفه
ومفيش حوليه صدق
ولا قلب لقلبى يصفى
مش عارف اعمل ايه
كل الحكايات بتوجع
واللى امنت لعنيه
مش عاوز حتى يسمع
انا مش طمعان فحاجه
ولا طالب مال وجاه
ولا عاوز اى شئ
م الدنيا وم الحياه
غير قلب يحبنى
ومشاعر بس دافيه
وحد يخاف عليه
وبراءه ونيه صافيه
معقول دا كتير صحيح
ولا انا موهم وبحلم
شايلالى الدنيا ايه
بجد الله اعلم
دانا متمنيتش عمرى
غير انى اكون بسيط
اكبر حلم فحياتى
بتشوفه الناس عبيط
يعنى حقيقى بسزاجه
ولاخر حد علمى
مش عاوز اى حاجه
غير ورقى وحبر قلمى
الماجيكو...........
ليست هناك تعليقات:
إرسال تعليق