صورة طفل
لما الموت ويالك يجمعنى
تقتل قلبى معاك يوجعنى
مش بالصورة الناس تسمعنى
واللى يعلق انت فهمنى
ولا بصمتك انت قتلنى
لية متغرب جوه فى روحى
لية مش فاهم حتى جروحى
اسال قلبى اسال روحى لمين هتبوحى
لما الموت وياك يجمعنى
طب فهمنى لانى غريب
كل ما تقتل ليا حبيب
مش بالصورة لانى قريب
واللى يقولك لا مش عيب
بس فى جرحى ماليا طبيب
لما الموت وياك يجمعنى
انا بتهرب وانت فهمنى
ولا فى موتى يهمك سنى
ابقى غريق وانا مستنى
طفل فى قتلة الناس بتغنى
ولا هتيجى تدافع عنى
خايف منى
لما الموت وياك يجمعنى
لما الصورة كمان توجعنى
طفل شهيد
لما الصورة كمان تسمعنى
وانت بعيد
تعدم ليه صدام ما تقولى
فى يوم العيد
ولا محمد درة فى قتله
وهو وليد
لما الموت ويا يجمعنى
تانى وعيد
لية مستنى تشوف الصورة
طفل يموت وايديك مكسورة
لية الدمعة تكون محصورة
جوه عنيك
ولا ايدى كمان مغلولة
فى حزنى عليك
تعرف لية دلوقت الصورة
بتدعى عليك
.......................................
بقلم الشاعر \ سعيد ابراهيم الضبعاوى
ليست هناك تعليقات:
إرسال تعليق